Övertorneån kunnassa pittää kaikitten tuntea turvalisuutta ja ittenäisyyttä vanhoila päivilä. Hoito ja huolto häätyvä olla ittesthään selviä oikeuksia niile jokka eri syistä ei pärjää yksin. Kaikki vanhukset häätyvä olla varmat siittä ette saava sen avun minkä tartteva. Sen takia vanhustenhoiossa häätyyki olla kokohnaisperspektiivi jossa jokhainen ihminen tuntee turvalisuutta ja intregriteettiä. Niin kaus ko vain maholista, kaikki häätyvä saa asua kotona omassa miljöössä. Turvalisuuen tunne vaatii ette kotipalvelu (hemtjänst) oon jatkuva ja ette vanhuksella oon hyvät kontaktit kotipalvelun kans.