Sinun oikeus käyttää suomenkieltä, meänkieltä ja saamenkieltä virastoissa
Ruottin valtiopäivät oon päättänhee ette Sulla 1 huhtikuuta 2000 alkaen oon oikeus käyttää suomenkieltä, meänkieltä ja saamenkieltä jos Sinun asia liittyy viranomasitten vallan-käythöön. Asia häätyy liittyä tiethyin kunthiin Norrbottenissa. Suomenkielen ja meänkielen kohala asia häätyy liittyä Jellivaaran, Haaparannan, Kirunan, Pajalan eli Matarengin kunthiin. Saamenkielen käythöön asia häätyy liittyä Arjeplogin, Jellivaaran, Jokkmokin eli Kirunan kunthiin.
Tämä tarkottaa ette semmosessa asiassa Sie saatat käyttää suomenkieltä, meänkieltä eli saamenkieltä ko kirjotat viranomasille eli olet suulisesti yhtheyessä viranomashiin ja ette viranomanen suulisesti vastaa Sinun kysymykshiin samala kielelä. Jos Sie vaait viranomanen kääntää päätöksen suulisesti.
Kysseessä olevat viranomaset saava itte päättää erityisistä ajoista ja erityisestä paikasta jossa ottava vasthaan käyntiä ja telefoonisoittoja Sulta sillä kielelä ko Sie halvaat.